Humo Arena saroyida 30 iyun – Yoshlar kuniga bag‘ishlangan bayram tantanasi boshlandi. Unda Oliy Majlis Senati raisi Tanzila Norboyeva tantananing ochilish qismida Prezident Shavkat Mirziyoyevning yoshlarga bayram tabrigini o‘qib eshittirdi, deb xabar bermoqda Kun.uz muxbiri.
Shuningdek, bayram dasturi ochilishida «Mard o‘g‘lon»ning Toshkent shahri bo‘yicha sovrindorlariga davlat mukofotini topshirish marosimi bo‘lib o‘tdi.
Mukofotni Prezident maslahatchisining birinchi o‘rinbosari, Yoshlar Ittifoqi Markaziy Kengashi raisi Qahramon Quronboyev va Toshkent shahar hokimi Jahongir Ortiqxo‘jayev topshirdi.
Sovrindorlar orasida Chirchiq ixtisoslashgan olimpiya zaxiralari maktab-internati velosport bo‘limi o‘quvchisi Yevdakimov Danil, O‘zFA Lomonosov nomidagi matematika instituti tayanch doktoranti Shopo‘latov Shomurod bor. Respublika bo‘yicha mukofot 28 nafar yigitga topshirildi.
O‘zbekiston Respublikasi Prezidenti 2017 yil 21 noyabr kuni «Mard o‘g‘lon» davlat mukofotini ta'sis etish chora-tadbirlari to‘g‘risida»gi qarorni imzolagandi. Unga muvofiq, O‘zbekiston Yoshlar ittifoqi Markaziy Kengashining «Mard o‘g‘lon» davlat mukofotini Qoraqalpog‘iston Respublikasi, viloyatlar va Toshkent shahrining 2 nafardan vakillariga har yili «Yoshlar kuni» arafasida topshirish haqidagi taklifi ma'qullangan.
«Mard o‘g‘lon» davlat mukofoti bilan taqdirlanganlar
RO‘YXATI
Masharipov Elyor Shomurod o‘g‘li | - | O‘zbekiston Respublikasi Milliy gvardiyasining harbiy qism guruh katta ofitseri (Qoraqalpog‘iston Respublikasi) |
Radjapov Alisher Muxadinovich | - | Nukus sport kollejining 3-bosqich o‘quvchisi (Qoraqalpog‘iston Respublikasi) |
