«Neksiya»da olib ketilayotgan sifati kafolatlanmagan mahsulotlar to‘xtatib qolindi

Bojxonachilar tomonidan sifati kafolatlanmagan mahsulotlarning noqonuniy aylanmasiga chek qo‘yildi.

Xususan, Sirdaryo viloyati bojxona boshqarmasi xodimlari huquqni muhofaza qiluvchi boshqa idora vakillari bilan hamkorlikda o‘tkazilgan tezkor tadbir davomida “Neksiya” rusumli avtomashinasini to‘xtatib, belgilangan tartibda xolislar ishtirokida nazoratdan o‘tkazishdi.

Natijada, avtomashina yukxonasidan fuqaro A.S.ga tegishli bo‘lgan   umumiy qiymati 32,6 million so‘mlik, 866 dona tegishli sifati kafolatlanmagan parfyumeriya mahsulotlari borligi aniqlandi.

Yana bir holatda viloyat bojxona boshqarmasi Kontrabanda va bojxona qonunchiligi buzilishiga qarshi kurashish bo‘limi xodimlari tomonidan fuqaro R. O. boshqaruvidagi “Sobalt” rusumli yengil avtomashina to‘xtatilib, xolislar ishtirokida ko‘zdan kechirildi.

Natijada ushbu avtomashina saloni hamda yukxonasida fuqaro R.D.ga tegishli bo‘lgan xorijda ishlab chiqarilgan, hech qanday hujjatlari bo‘lmagan 5 turdagi, umumiy qiymati qariyb 30,5 million so‘mlik 312 dona uyali qo‘l telefon apparatlari va 141 dona uyali qo‘l telefon apparatining batareykalari mavjudligi aniqlandi.

Hozirda yuqoridagi holatlar yuzasidan bojxona tekshiruvlari davom ettirilmoqda.