Surxondaryoda o‘quvchilar o‘rtasida «Yashil chiroq» musobaqasining respublika bosqichi o‘tkazilmoqda

Maktab o‘quvchilari o‘rtasida muntazam o‘tkazib kelinayotgan «Yashil chiroq» musobaqasining bu yilgi respublika bosqichi Surxondaryo viloyatining Uzun tumanida joylashgan X.Qulniyozov nomidagi bolalar dam olish maskanida bo‘lib o‘tmoqda. Bu haqda Kun.uz muxbiri xabar bermoqda.

Musobaqada respublikamizning barcha viloyatlari hamda Qoraqalpog‘iston respublikasidan kelgan jamoalar ishtirok etishmoqda.

Surxondaryo viloyat IIB YHXB matbuot xizmati katta inspektori Abror Choriyevning Kun.uz muxbiriga ma'lum qilishicha, jamoalar musobaqada jami 10 shart bo‘yicha bellashmoqda. Jumladan, safda yurish, piyodalarning majburiyatlari, velosiped boshqarish, tartibga soluvchining harakatlari, tez tibbiy yordam, maketlar yasash, texnik ijodiyot, badiiy qism, yo‘l harakati qoidalari bo‘yicha test sinovlari, sardorlar bellashuvi. Ayni damda bellashuvlar davom etmoqda.