Bosh prokuratura huzuridagi Iqtisodiy jinoyatlarga qarshi kurashish departamentining Shoʻrchi tumani boʻlimi xodimlari tezkor tadbir oʻtkazdi.
Tadbir davomida Shoʻrchi tumani sanitariya-epidemiologik osoyishtalik va jamoat salomatligi boʻlimi boshligʻi E.E. ashyoviy dalillar bilan ushlangan.
Tergov maʼlumotlariga koʻra, u tumandagi maktabgacha taʼlim tashkilotlaridan biri rahbari S.X.ga muassasaning 42 nafar xodimi uchun sanitariya sertifikatlari olib berishni vaʼda qilgan.
Mansabdor ushbu xizmat evaziga 2,1 mln soʻmni olayotgan vaqtda qoʻlga olingani aytilmoqda.
Holat yuzasidan Jinoyat kodeksining 210-moddasi - pora olish bilan jinoyat ishi qoʻzgʻatildi. Ayni paytda tergov harakatlari olib borilmoqda.
