Notarial bitimlarni tasdiqlashda taqdim etiladigan hujjatlar soni qisqartiriladi 

O‘zbekistonda notarial bitimlarni tasdiqlashda taqdim etiladigan hujjatlar soni qisqartiriladi. Bu haqda 2019-2021 yillarda notariat institutini yanada takomillashtirish bo‘yicha “Yo‘l xaritasi”da aytilgan.

Bu boradagi tegishli qonun loyihasi 2019 yil oktabr oyigacha ishlab chiqiladi. Ijro etilishiga mas'ul - Adliya vazirligi (Davletov), Oliy sud (Komilov), manfaatdor vazirlik va idoralar.

Shuningdek, nodavlat notarial idoralari notariuslarining fuqarolik javobgarligini majburiy sug‘urtalash tartibi joriy etiladi. Tegishli normativ-huquqiy hujjat loyihasi 2019 yil oktyabrgacha ishlab chiqiladi. Ijro etilishiga mas'ul - Adliya vazirligi (Davletov), Moliya vazirligi (Ishmetov), Iqtisodiyot va sanoat vazirligi (Xo‘jayev).

Bundan tashqari, notarial tasdiqlanishi talab etiladigan hujjatlarni xatlovdan o‘tkazish, natijalariga ko‘ra hujjatlar nusxasini notarial tasdiqlash talabini qayta ko‘rib chiqish rejalashtirilmoqda. Vazirlar Mahkamasining qarori loyihasi 2019 yil oktyabrgacha ishlab chiqiladi. Ijro etilishiga mas'ul - Adliya vazirligi (Davletov), manfaatdor vazirlik va idoralar.