Britaniya Oliy sudi parlament ishi to‘xtatib qo‘yilishini noqonuniy deb topdi

Buyuk Britaniya Oliy sudi bosh vazir Boris Jonson tomonidan ilgari surilgan parlament ishi to‘xtatib qo‘yilishini noqonuniy deb topdi.

Mazkur ish bo‘yicha tinglovlar uch kun davom etdi. Mazkur qaror bosh vazirning obro‘siga jiddiy ta'sir qilishi mumkin.

Avvalroq Buyuk Britaniya bosh vaziri Boris Jonson parlament ishini 10 sentyabrdan 14 oktyabrgacha to‘xtatib qo‘yish uchun qirolichaning roziligini olgan edi. 

Aksariyat parlamentchilar Jonsonni mamlakatni 31 oktyabrda YeIdan kelishuvsiz olib chiqishga urinishda hamda parlament ishini to‘xtatib qo‘yish uchun qirolichaning roziligi olish maqsadida yolg‘on axborot berishda ayblagandi. 

Oliy sud ularning nuqtai nazarini qo‘llab-quvvatladi.