Davlat daromadiga o‘tkaziladigan mol-mulkni olib qo‘yish tartibiga o‘zgartirishlar kiritildi

Hukumat qarori bilan Davlat daromadiga o‘tkaziladigan mol-mulkni olib qo‘yish, sotish yoki yo‘q qilib tashlash tartibi to‘g‘risidagi nizomga o‘zgartirishlar kiritildi. Bu haqda Adliya vazirligi xabar bermoqda.

Kiritilgan o‘zgartirishlarga ko‘ra, olib qo‘yilgan tez buziladigan mahsulotlarga muvofiqlik sertifikatini rasmiylashtirish va berish muddati barcha zarur hujjatlar taqdim etilgan vaqtdan boshlab bir kun etib belgilandi.

Shuningdek, davlat daromadiga o‘tkaziladigan mol-mulklar sotilishini ta'minlashda mahalliy hokimiyat organlari savdo o‘rinlari va yarmarkalar tashkil etish orqali savdo tashkilotlariga ko‘maklashadi.