Afg‘oniston prezidentligiga saylovlarning dastlabki natijalari 14 noyabrda e'lon qilinadi

Mustaqil saylov komissiyasi raisi Havo Olam Nuristoniy komissiya saylovlar natijalarini e'lon qilishda «hech qachon ichki yoki tashqi kuchlar bosimi ostida bo‘lmaganini» ta'kidladi

Sentabr oyida bo‘lib o‘tgan Afg‘oniston prezidentligiga saylovlarning dastlabki natijalari 14 noyabrda e'lon qilinadi. Bu haqda Afg‘oniston mustaqil saylov komissiyasi raisi Havo Olam Nuristoniy ma'lum qildi, deb xabar berdi 1TV telekanali.

Uning so‘zlariga ko‘ra, 14 noyabr Afg‘oniston prezidentligiga saylovlarning dastlabki natijalarini e'lon qilish muddati sifatida tanlangan. Matbuot anjumanida chiqish qilar ekan, Nuristoniy komissiya saylovlar natijalarini e'lon qilishda "hech qachon ichki yoki tashqi kuchlar bosimi ostida bo‘lmaganini ta'kidladi.

Avvalroq MSK sentyabrda bo‘lib o‘tgan saylovning dastlabki natijasi 19 oktyabrda, yakuniy natijasi 7 noyabrda e'lon qilinishini bildirgandi.

19 oktabr kuni Havo Olam Nuristoniy prezident saylovining dastlabki natijasini belgilangan muddatda e'lon qila olmasligini bildirib uzr so‘radi.

U komissiya texnik sabablar bois natijani belgilangan muddatda aniqlay olmaganini ma'lum qildi.

Afg‘onistonda 28 sentyabrda bo‘lib o‘tgan prezident saylovida 15 nafar nomzod, jumladan, amaldagi prezidenti Muhammad Ashraf G‘ani hamda bosh vazir Abdulla Abdulla ishtirok etgandi.

Bu 2001 yildan buyon Afg‘onistonda o‘tkazilgan to‘rtinchi prezident saylovi bo‘ldi.