Markaziy Osiyo davlatlari tashqi ishlar vazirlari Toshkentda uchrashadi

2019 yilning 15 noyabr kuni Toshkent shahrida Markaziy Osiyo davlatlari tashqi ishlar vazirlarining uchrashuvi bo‘lib o‘tadi.

Tashqi ishlar vazirligi xabariga ko‘ra, Qozog‘iston, Qirg‘iziston, Tojikiston, Turkmaniston va O‘zbekiston TIV rahbarlari tomonidan Toshkent shahrida bo‘lib o‘tadigan Markaziy Osiyo davlatlari rahbarlarining ikkinchi Maslahat uchrashuviga tayyorgarlik jarayoni ko‘rib chiqiladi.

Mintaqaviy hamkorlikni yanada rivojlantirish va mustahkamlash istiqbollarini muhokama qilish, shuningdek, xalqaro kun tartibi yuzasidan fikr almashish rejalashtirilgan.