Floyd Meyvezer boksni shafqatsiz sport deb atadi va unga qaytishdan bosh tortdi

5 ta vazn toifasida sobiq jahon chempioni, amerikalik Floyd Meyvezer boksga qaytishni istamasligini ma'lum qildi.  

Shu bilan birga, Meyvezer katta gonorarlar to‘lanuvchi ko‘rgazmali janglar o‘tkazishga qarshi emas. 

“Meni qaytishga chorlashmoqda, biroq birinchi navbatda salomatlik turadi. Boks – shafqatsiz sportdir. Oxirgi yillarda bir nechta yigitlar ringda jon berdi. Qo‘lqoplarni mixga qachon osish kerakligini bilish lozim. Menda buyuk faoliyat bo‘lgan. Men ko‘p sayohat qilaman va ko‘rgazmali janglar o‘tkazaman. Buning orqasidan 10 mlndan 30 mln dollargacha topishim mumkin. Men bu tarzda hozirgi bokschilarning aksariyatidan ko‘proq pul topaman”, deb ta'kidlab o‘tgan sobiq bokschi. 

Ta'kidlash joiz, Floyd o‘z faoliyatida 50 ta jang o‘tkazib, ularning hammasida g‘olib bo‘lgan.