10:51 / 12.01.2020
0
6593
Эрон генерал Сулаймоний ўлдирилган кунни Халқаро қаршилик кўрсатиш куни деб эълон қилди 
Фото: REUTERS

Эрон ҳукумати “Ал-Қудс” махсус бўлинмаси қўмондони, генерал Қосим Сулаймоний ўлдирилган кун – 3 январни унинг хотирасига Халқаро қаршилик кўрсатиш куни деб эълон қилди. Бу ҳақда Эроннинг IRNA ахборот агентлиги хабар берди.  

Эроннинг маданий инқилоб ишлари бўйича олий кенгаши котиби Саид Ризо Омалийнинг таъкидлашича, мамлакат тақвимига ушбу сананинг киритилиши ҳақидаги фармонни мамлакат президенти Ҳасан Руҳоний имзолаган.          

Шунингдек, қурбонлари хотирасига генерал Сулаймоний номи билан аталувчи халқаро мукофот - World Sacrifice Award таъсис этилади. 
 
Қосим Сулаймоний 3 январга ўтар кечаси Бағдод аэропорти яқинида АҚШ ҳарбийлари зарбаси билан ўлдирилганди. Эрон бунга жавобан АҚШнинг Ироқдаги иккита ҳарбий базасини ракета билан ўққа тутган. 

Мавзу
Қосим Сулаймонийнинг ўлдирилиши
Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top