10:27 / 13.01.2020
0
6478
Андижонда фуқаро гиёҳванд моддаларни сотаётган чоғида ушланди
Фото: ИИВ ахборот хизмати

Жорий йилнинг 8 январь куни Андижон вилояти ИИБ Транспортда хавфсизликни таъминлаш бошқармаси Жиноят-қидирув бўлими ходимлари томонидан олинган тезкор маьлумотга асосан “Назорат харид” тезкор тадбири ўтказилган.

ИИВ ахборот хизмати хабарига кўра, унга холис харидор сифатида тезкор вакил Д.Т. жалб қилиниб, шу куни, 1964 йилда туғилган, муқаддам Жиноят кодексининг 125-моддаси бўйича ўғрилик жинояти содир этиб судланган, вақтинча ишсиз, оилали, 2 нафар фарзанди бор, Андижон вилояти, Хўжаобод туманида яшовчи фуқаро С.З. холис харидорга Жалақудуқ тумани, Гуручмозор темир йўл бекати 356-километрида жойлашган қўриқланадиган темир йўл кесишмаси ёнида 300 000 сўм пул эвазига қизил рангли полиэтилен целофан пакетга солинган, ўткир ҳидли, кўкимтир рангли, қуруқ ҳолдаги ўсимлик баргларини сотган вақтида темир йўл кесишмаси яқинида тезкор тадбир иштирокчилари томонидан ушланди.

Андижон вилояти ИИБ ЭКБ катта эксперти капитан Н.Ю.нинг 8 январдаги хулосасига кўра, 1 кг 665 гр "марихуана” гиёҳванд моддаси эканлиги аниқланди.

Ҳозирда фуқаро С.З.га нисбатан Жиноят кодексининг 273-моддаси 5-қисми билан жиноят иши қўзғатилиб, тергов ҳаракатлари олиб борилмоқда.

Ушбу хабарга фикрингизни билдиринг. Бунинг учун авторизациядан ўтишингиз керак!
Top