Koronavirusga chalingan xitoylik talaba 28 yanvarda shifokorlarga murojaat qilgan. U shu zahoti kasalxonaga yotqizilgan. Bungacha Rossiyada koronavirusga chalinish bo‘yicha ikkita holat qayd etilgandi.
"O‘zbekiston fuqarolari koronavirusga chalinishda gumonlanayotgani yo‘q. Ular shunchaki bemor talaba bilan muloqotda bo‘lgan. Ular Yugrada ishlashadi, u yerda tibbiy kuzatuv o‘rnatish imkoni yo‘q. Shu bois ular Nijnevartovskda kasalxonaga joylashtirilgan. Ularning holati qoniqarli", - dedi Kudryavseva.
Kudryavsevaning so‘zlariga ko‘ra, hozirda laboratoriya tekshiruvi natijasini kutishmoqda.
So‘nggi ma'lumotlarga ko‘ra, Xitoyda yangi koronavirusdan bir kun ichida 57 kishi vafot etdi. Shu tariqa, epidemiya boshlangandan beri uning qurbonlari soni 361 nafarga yetdi, kasallanganlar esa yana 2829 kishiga ko‘payib, 17205 nafarni tashkil qilmoqda.
