09:24 / 05.04.2020
34360
Олимлар чивин ва пашшаларнинг коронавирус ташувчиси бўлиши эҳтимолини баҳолашди

Баҳор ва ёз фаслларида пайдо бўладиган ҳашаротлар коронавирус ташувчиси ҳисобланмайди. Бу ҳақда ДНК бўйича мутахассис, энтомолог Константин Китаев маълум қилди. 

Фото: Depositphotos

“Хитойликлар бу борада тадқиқот ўтказишган ва қонхўр ҳашаротлар, айниқса пашшалар коронавирусни ташимаслигини аниқлашган . Бу борада қўрқмаслик керак”, деб ҳисобламоқда мутахассис.  

Энтомолог Юлия Ловцованинг таъкидлашича, умуман олганда, чивинга ўхшаш ҳашаротлар инфекциялар ташувчиси ҳисобланади, бироқ ҳозирги кунда илмий ҳамжамиятда чивинлар коронавирус ташиши мумкинлиги ҳақида маълумот йўқ. 

“Чивинлар безгак, сариқ иситма, Денге безгаги каби турли касалликларни ташиши мумкин. Бироқ уларнинг коронавирус ташиши ҳақида маълумотлар йўқ. Бу пашшаларга ҳам тааллуқли. Назарий жиҳатдан касал одам ўз қўлига аксирса ва унга шу заҳотиёқ пашша қўниб, кейин бошқа одамга кўчиб, уни зарарлаши мумкин, деб фараз қилиш мумкин. Бироқ бунинг имкони жуда кичик”, деб айтган мутахассис.  

Аввалроқ ҳам мутахассислар уй ҳайвонлари ва одамлар ўртасида коронавирус ўтиши ҳақида маълумотлар йўқлигини, итлар ва мушуклар коронавирусга чалиниши ва унинг ташувчиси бўлиши мумкинмаслигини таъкидлашган. Бироқ кейинроқ хитойлик олимлар ҳайвонлар коронавирусга чалинишлари мумкинлигини аниқлашган. Жумладан, Ухандаги 10 дан кўпроқ дайди мушукда коронавирусга антитаналар аниқланган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top