ShHT TIV rahbarlarining videokonferensiya shaklidagi uchrashuvi bo‘lib o‘tadi

2020 yil 13 may kuni O‘zbekiston tashqi ishlar vaziri Abdulaziz Komilov Shanhay hamkorlik tashkilotiga a'zo davlatlar tashqi ishlar vazirlarining videokonferensiya shaklidagi uchrashuvida ishtirok etadi.

TIV xabariga ko‘ra, ShHT tashqi siyosat idoralari rahbarlari tashkilot doirasidagi bo‘lajak tadbirlarga tayyorgarlikning borishini muhokama qiladilar.

Shuningdek, yangi koronavirus infeksiyasi pandemiyasi sharoitidagi hamkorlikning holati va istiqbollari bo‘yicha fikr almashiladi.

Bundan tashqari, ShHT tomonidan Afg‘onistondagi siyosiy vaziyatni tinch yo‘l bilan hal qilishga ko‘maklashish masalalari ham alohida ko‘rib chiqiladi, deyiladi xabarda.