Qoʻshimcha funksionallar
-
Tungi ko‘rinish
Germaniyadagi go‘sht kombinatlaridan birining 650dan ortiq ishchisida koronavirus aniqlandi
Kompaniya rahbariyati ishchilar kasallikni cheklovlar olib tashlanganidan so‘ng uylariga borganida yuqtirgan deb taxmin qilmoqda. Kushxonada ishlaydiganlarning aksariyati Sharqiy Yevropa mamlakatlaridan.
Germaniya g‘arbidagi Tönnies kompaniyasi kushxonasida koronavirus yuqtirish bilan bog‘liq 600dan ortiq holat aniqlandi. Reda-Videnbryuk shahrida joylashgan korxonaning mingdan ortiq ishchisi koronavirusga test topshirdi. 17 iyun kuni ertalab dastlabki 590ta testdan 395tasi musbat chiqdi. Kun davomida kasallikka chalinganlar soni 657 nafarga yetdi.
Gyuterslo okrugi rahbari Sven-Georg Adenauer qolgan testlar natijasi ham ana shunday chiqishini taxmin qilmoqda. Tönnies kompaniyasining kasallik aniqlangan barcha ishchilari ikki haftalik karantinga jo‘natildi, ularning aksariyati kasallik simptomlari bo‘lmagan. Korxona ikki haftaga faoliyatini to‘xtatdi.
Kasallik yanada tarqalishiga yo‘l qo‘ymaslik maqsadida Gyuterslo okrugi hukumati 15 iyundan ochilgan barcha maktab va bog‘chalarni 26 iyungacha yana yopishga qaror qildi.
Kompaniya rahbariyati ishchilar kasallikni cheklovlar olib tashlanganidan so‘ng uylariga borganida yuqtirgan deb taxmin qilmoqda. Kushxonada ishlaydiganlarning aksariyati Sharqiy Yevropa mamlakatlaridan. Ma'lum qilinishicha, kompaniya 10 maydan 18 maygacha 6400 xodimdan test olgan, ularning birortasida kasallik aniqlanmagan.
Germaniya go‘shtni qayta ishlash sanoatida 200 mingga yaqin kishi ishlaydi. Ularning ko‘pchiligi Sharqiy Yevropa mamlakatlaridan bo‘lib, umumiy yotoqxonalarda yashaydi.
Koronavirus
Mavzuga oid
12:04 / 18.06.2026
O‘zbekiston va Germaniya birinchi xonimlari inklyuziv ta’lim masalalarini muhokama qildi
21:45 / 17.06.2026
Audi yangi avlod A6 Allroad’ni taqdim etdi
20:04 / 17.06.2026
O‘zbekiston va Germaniya prezidentlari bir qator iqtisodiy loyihalarni ishga tushirdi
10:05 / 17.06.2026