O‘zbekistonda koronavirusdan sog‘ayganlar soni 4300 nafarga yaqinlashdi

Bugun Toshkent tibbiyot akademiyasining ko‘p tarmoqli klinikasida 52 nafar va Virusologiya ilmiy-tekshirish instituti klinikasida 16 nafar hamda Samarqand viloyatida 6 nafar, jami 74 nafar bemor sog‘ayib, o‘z uylariga kuzatildi.

Shunday qilib, endilikda Toshkent shahri va Toshkent viloyatida 3437 holatda kasallik qayd etilishi barobarida 2198 nafar bemor  sog‘aydi. Ayni paytda shifokorlar poytaxtdagi davolash muassasalarida 1228 nafar bemor hayoti uchun kurashmoqda.

Samarqand viloyatida esa 397 holatda kasallik aniqlangan bo‘lsa, shundan 378 nafar bemor ushbu infeksiyadan forig‘ bo‘ldi. Hozirda viloyatda 17 nafar bemor davolanmoqda.

Ayni paytga qadar O‘zbekistonda 5855ta zararlanish holati qayd etilgan bo‘lsa, bemorlarning 4273  nafari sog‘aydi.

«Shifokorlarimiz mamlakatimizning o‘nta xududidagi davolash muassasalarida koronavirus infeksiyasidan qiynalayotgan bemorlarimizga kerak muolajalarni ko‘rsatishmoqda», deyiladi Sog‘liqni saqlash vazirligi Jamoatchilik bilan aloqalar bo‘limi xabarida.