22 avgustdan shaharlararo elektropoyezdlar qatnovi yo‘lga qo‘yiladi

O‘zbekiston Respublikasi Transport vazirligi axborot xizmati xabariga ko‘ra, bu Respublika maxsus komissiyasining 2020 yil 15 avgustdan karantin cheklovlarini bosqichma-bosqich yumshatish bo‘yicha qabul qilgan qaroriga asosan yo‘lovchilarga yanada qulaylik yaratish maqsadida amalga oshiriladi.

Qatnovlar:

• 6440 - sonli Xojikent – O‘zbekiston; 
• 6442 - sonli Xojikent – Toshkent; 
• 6429 - sonli Toshkent – Xojikent;
• 6430 - sonli Xojikent – Toshkent; 
• 6435 - sonli Toshkent – Xojikent;
• 6436 - sonli Xojikent – Toshkent;
• 6437 - sonli Toshkent – Xojikent;
• 6441 - sonli Toshkent – Xojikent;
• 6414 - sonli Toshkent – Guliston;
• 6413 - sonli Guliston – Toshkent;
• 6418 - sonli Toshkent – Sirdaryo;
• 6407 - sonli Sirdaryo – Toshkent.

Qayd etilishicha, qo‘shimcha ma'lumotlarni Toshkent shahrida 1005 qisqa telefon raqami, joylardagi temir yo‘l kassalari hamda ma'lumotlar byurosidan bilib olish mumkin.

“Hurmatli yo‘lovchilar! Vokzal hududida hamda vagon ichida karantin talablari bo‘yicha belgilangan barcha sanitariya gigiyena me'yorlarga doimiy ravishda qat'iy rioya qiling. O‘zingiz va atrofdagilarning salomatligiga befarq bo‘lmang!” - deyiladi ma'lumotda.