NASA Yer ustida hosil bo‘lgan ulkan magnit anomaliyasi haqida ma'lum qildi 

Gap sayyoramiz magnit maydoni kuchsiz bo‘lgan hudud haqida borib, u yuqorida tilga olingan hududlar ustida tobora kengayib bormoqda.

“Yerning magnit maydoni sayyoramiz atrofidagi qalqon vazifasini bajarib, zaryadlangan quyosh zarralarini qaytaradi va ushlab qoladi. Biroq Janubiy Amerika va Atlantika okeanining janubiy qismida Janubi-Atlantika anomaliyasi yoki SAA deb ataluvchi g‘ayritabiiy kuchsiz magnit maydoni mavjud”, deyilgan NASA’da.

Magnit maydonida hosil bo‘lgan ushbu ulkan anomaliya “tuynuk” kabi bo‘lib, sayyoramizga quyosh zarralarini o‘tkazib yuboradi. Buning natijasida esa kompyuterlar ishdan chiqadi, sun'iy yo‘ldoshlardan ma'lumotlar olishda muammolarlar paydo bo‘ladi. Aynan shu sabablarga ko‘ra olimlar ushbu anomaliya ortidan kuzatuv olib borishmoqda va uni o‘rganishmoqda.

Hozircha SAA odamlarning kundalik turmush tarziga sezilarli ta'sir ko‘rsatmayapti. Biroq yaqinda olib borilgan kuzatuvlar va prognozlar anomaliya g‘arb tomon kengayayotgani va ushbu hududda magnit maydoni kuchsizlanib borayotganini ko‘rsatmoqda. Shuningdek, anomaliya ikki qismga bo‘linayotgani ta'kidlanmoqda, bu ham sun'iy yo‘ldoshlar uchun qo‘shimcha muammolar yuzaga keltiradi.

Olimlarning fikricha, bunday anomaliya Yer o‘qi qiyaligi va sayyoraning tashqi yadrosi ichida suyuq holdagi metallar harakatlanishi oqibatida yuzaga kelgan.