Тошкент ахборот технологиялари университети талабалари томонидан «ImtihonGo» номли мобил илова ишлаб чиқилди.

Дастур имтиҳон бўладиган жой манзилини тез ва осон топиш, имтиҳон вақти ва жойи ҳақидаги хабарномани олиш имконини беради.

Илова Давлат тест марказининг расмий сайтидаги маълумотлар асосида тайёрланган. Дастурга республикада тест ўтказиладиган барча стадион ва хиёбонларнинг геоманзиллари жойлаштирилган.

Абитуриент иловага кириб ўз ҳудуди, ҳужжат топширган таълим муассасасини танлагач, қачон ва қаерда тест топширишини ҳам билиб олиши мумкин.a

Мобил илова Google Play дастуридан юклаб олинади. Юклаб олиш ва фойдаланиш бепул.