Vazirlik maʼlumotlariga koʻra, joriy yilda abituriyentlar tanlovida uchta oliy taʼlim tashkiloti eng yuqori qiziqishga ega boʻlgan.
Bular - Toshkent davlat iqtisodiyot universiteti (TDIU), Oʻzbekiston davlat jahon tillari universiteti (OʻzDJTU) hamda Mirzo Ulugʻbek nomidagi Oʻzbekiston Milliy universiteti (OʻzMU).
Abituriyentlar eng koʻp qiziqish bildirgan taʼlim yoʻnalishlari ham maʼlum qilindi. Ular orasida «Davolash ishi», «Iqtisodiyot», shuningdek, «Filologiya va tillarni oʻqitish: ingliz tili» yoʻnalishlari bor.
Oʻrtacha oʻtish ballari qancha boʻldi?
Maʼlumotlarga koʻra, joriy yilgi qabul natijalari boʻyicha davlat granti asosida oʻrtacha oʻtish bali 134,6 ballni tashkil etgan.
Toʻlov-kontrakt asosida esa oʻrtacha oʻtish bali 93,7 ball boʻlgan.
