O‘zbekiston va Ozarboyjon o‘rtasida hamkorlik bo‘yicha qo‘shma hukumatlararo komissiya faoliyati tiklanadi

Abdulaziz Komilov Jayxun Bayramov bilan telefon orqali muloqot o‘tkazdi.

2020 yilning 7 sentabr kuni O‘zbekiston tashqi ishlar vaziri Abdulaziz Komilov Ozarboyjon tashqi ishlar vaziri Jayxun Bayramov bilan telefon orqali muloqot qildi.

Turli darajalarda bo‘lajak ikki va ko‘p tomonlama, jumladan O‘zbekistonning MDHda raisligi doirasida ko‘zda tutilgan tadbirlar jadvali va boshqa tashkiliy masalalari ko‘rib chiqildi.

TIV xabariga ko‘ra, tashqi siyosat idoralari rahbarlari koronavirus pandemiyasi keltirib chiqargan yangi holatlarga qaramay, O‘zbekiston-Ozarbayjon ikki tomonlama aloqalari faol rivojlanib borayotgani, tovar aylanmasi joriy yilning yanvaridan iyuligacha 163 foizga o‘sganini alohida ta'kidladilar.

Tomonlar O‘zbekiston va Ozarboyjon o‘rtasidagi hamkorlik bo‘yicha qo‘shma hukumatlararo komissiya faoliyatini tiklash bo‘yicha kelishuvga erishdilar.