Oʻzbekiston Mudofaa vazirligi xabariga koʻra, mudofaa vaziri general-leytenant Shuhrat Xolmuhamedov boshchiligidagi delegatsiya Ozarboyjonga amaliy tashrif doirasida ushbu mamlakat mudofaa vaziri general-polkovnik Zokir Hasanov bilan uchrashgan.
Muloqotda ikki davlat oʻrtasidagi harbiy hamkorlik doʻstona va qardoshlik munosabatlariga asoslangani taʼkidlangan. Hamkorlikning har ikki mamlakat armiyalarini rivojlantirish va mustahkamlashdagi ahamiyati qayd etilgan.
Vazirlar harbiy va harbiy taʼlim sohalaridagi hamkorlik, shuningdek, mudofaa sohasiga oid boshqa masalalar yuzasidan fikr almashgan.
Uchrashuv yakunida ikki mamlakat mudofaa vazirliklari oʻrtasida 2027-yilga moʻljallangan harbiy hamkorlik rejasi imzolangan. Xabarda rejada nazarda tutilgan aniq tadbirlar tafsiloti keltirilmagan.
