2019-2020 o‘quv yilida oliy ta'lim muassasalarida 1811 nafar fan doktorlari dars bergan

Davlat statistika qo‘mitasi ma'lumotlariga ko‘ra, oliy ta'lim muassasalarida 2019 yilda jami 30,5 ming nafar professor-o‘qituvchilar faoliyat yuritgan. 2018 yilda bu ko‘rsatkich 26,7 ming nafarni tashkil etgan.

Mazkur professor-o‘qituvchilarning jinsi bo‘yicha e'tibor qaratadigan bo‘lsak, 43,2 foizi ayollar va 56,8 foizi erkaklar hissasiga to‘g‘ri keladi.

2019-2020 o‘quv yilida oliy ta'lim muassasalarida 6401 nafar fan nomzodlari, 4645 nafar dotsentlar, 1811 nafar fan doktorlari va 1326 nafar professorlar faoliyat yuritgan.