Tailandda atrofni ifloslantirgan turistlarga chiqindilar pochta orqali yuboriladi

Tailanddagi Kxao Yay parki xodimlari mahalliy ekologiyani buzayotganlarga qarshi kurashish yo‘lini topishdi. Ular turistlarga o‘zlaridan keyin qoldirgan chiqindilarni pochta orqali qaytarib yuborishadi, deb yozadi VBC.

Parkka tashrif buyuruvchilarni kuzatish va topish uchun ular endilikda o‘z manzillarini ko‘rsatishlari shart. Mabodo ular parkka chiqindi tashlab ketishsa, o‘sha chiqindilar qoidabuzarlarga pochta orqali yuboriladi.

Atrof-muhit vaziri Varavut Silpa-archa o‘zining Facebook akkauntida jo‘natishga tayyor qilib qo‘yilgan chiqindilar solingan karton idishlarga suratini joylashtirdi.

«Chiqindingizni o‘zingizga qaytaryapmiz», - deyiladi vazirning postida.

Karton idish ustiga esa «Bularni Kxao Yay milliy parkida unutib qoldiribsiz» deb yozib qo‘yilgan.

Bangkokda joylashgan Kxao Yay milliy parki maydoni 2 000 kv. km bo‘lib, turistlar orasida keng ommalashgan.