Buyuk Britaniyada koronavirus sababli yangi cheklovlar joriy etildi

Buyuk Britaniya bosh vaziri Boris Jonson koronavirusning ikkinchi to‘lqini sababli mamlakatda yangi cheklovlar joriy etilganini e'lon qildi.

Uning so‘zlariga ko‘ra, aholining 8 foizdan kamroq qismi koronavirusga qarshi antitanaga ega, kasallik qayd etilishi holatlarining o‘sishi esa faqat test olish hajmining oshishigagina bog‘liq emas.  

"Kuzdan qishga o‘tgunimizga qadar koronavirus yuqori sur'atlarda tarqaladi. Shuning uchun hozirdan harakat qilishimiz kerak", - dedi Jonson.

"Biz uydan ishlay oladiganlarni uyda qolishga chaqiramiz", - dedi u, hukumat o‘tgan haftada odamlarni ofislarga qaytishga chaqirayotgandi.

Angliyada restoranlar kech soat 10da yopiladi. Barcha do‘konlar va restoranlar xodimlari niqob taqishi shart bo‘ladi.

Jonson aholini turli uchrashuv va tadbirlar o‘tkazishni to‘xtatishga chaqiradi. To‘ylarda ishtirok etadigan mehmonlar soni 30dan 15 nafarga kamaytirildi.

O‘tgan sutkada Buyuk Britaniyada 4368 kishida koronavirus aniqlangan, 11 kishi vafot etgan. Mamlakatda koronavirus yuqtirganlarning umumiy soni 398 ming 625 nafarga yetgan, 41 ming 788 kishi vafot etgan.