OTB O‘zbekiston energetika sohasini rivojlantirish uchun 200 million dollar qarz beradi

Ta'kidlanishicha, ajratilgan 200 million dollar mamlakat energetika sohasida moliyaviy barqarorlik va yetarli investitsion ko‘makni ta'minlash uchun yo‘naltiriladi.

«Ushbu turdagi kredit O‘zbekistonning energetika sohasida qiyin islohotlarni qo‘llab-quvvatlash va xususiy sarmoyalarni chuqurlashtirish uchun juda muhimdir. Ushbu dastur xususiy sektor ishtirokini rag‘batlantirish orqali, hukumatning ish o‘rinlarni yaratish va aholi turmush sifatini oshirish bo‘yicha yakuniy maqsadlarini qo‘llab-quvvatlaydi. Toza energiyaga o‘tish zamonaviy va ishonchli energetik infratuzilmani rivojlantirishni jadallashtirishga qaratilgan islohotlarning markazida bo‘ladi, bu esa issiqxona gazlari chiqindilarining tarkibiy qisqarishiga olib keladi», — deydi bankning energetika yo‘nalishi bo‘yicha mutaxassisi Syong Dak Kim.

OTB «O‘zbekenergo» ichki tuzilmasini isloh etish hamda tashkilotning institutsional o‘zgarishini qo‘llab-quvvatlab, energetika sohasida xususiy kapital ko‘payishiga intilmoqda. 

2020 yil 1 iyul holatiga O‘zbekiston Respublikasi nomidan va uning kafolati ostida jalb qilingan qarz qoldig‘i dastlabki hisob-kitoblarga ko‘ra 19,4 milliard dollar ekvivalentini yoki yalpi ichki mahsulotga (YaIM) nisbatan 34,0 foizni tashkil etdi. Shu paytgacha, O‘zbekiston davlat tashqi qarzining 3,9 milliard dollar qismi OTBdan olingan.