Yuridik ahamiyatga ega hujjatlarni hisobga olish yagona milliy tizimi joriy etiladi

Yuridik ahamiyatga ega hujjatlarni hisobga olish va yetkazish yagona milliy tizimi joriy etiladi. Bu haqda 2020-2021 yillarda iqtisodiyotda tarkibiy islohotlarni tiklash va davom ettirish yuzasidan chora-tadbirlarni amalga oshirish bo‘yicha «Yo‘l xaritasi»da aytilgan.

Qayd etilishicha, tahliliy-axborot va chora-tadbirlar rejasi ishlab chiqiladi. Unda yuridik ahamiyatga ega hujjatlarni yetkazib berishni takomillashtirish nazarda tutiladi.

Bajarish muddati - 2020 yil oktabr, ijro uchun mas'ullar - Axborot texnologiyalari va kommunikatsiyalarini rivojlantirish vazirligi, «O‘zbekiston pochtasi» AJ. Moliyalashtirish manbasi - 1,0 mlrd so‘m (ijrochilar mablag‘lari).

Bundan oldin, «O‘zbekiston pochtasi»ning milliy elektron savdo maydonchasi tashkil etilishi xabar berilgandi.