Bu prezidentning 27-avgustdagi PF–175-son farmonida belgilandi. Hujjat 28-avgustdan kuçga kirdi.

Farmonga muvofiq, «Ikkinçi imkon» iqtisodiy amnistiyasi 2026-yil 31-dekabrga qadar amal qiladi va kiçik hamda örta tadbirkorlik subyektlarini qamrab oladi.

Unga köra, iqtisodiy amnistiya eʼlon qilinguniga qadar yuzaga kelgan soliq qarzi, penyani hisobga olmagan holda, 2026-yil 31-dekabrga qadar töliq tölansa, uşbu qarzdorlik böyiça hisoblangan penya hisobdan çiqariladi. Şuningdek, qarz bilan boğliq ijro işlari tugatiladi.

Mazkur tartibdan foydalaniş uçun tadbirkorlik subyektida 2027-yil 1-yanvar holatiga penyadan taşqari soliq qarzi qolmagan bölişi kerak.

Şuningdek, tadbirkor avval taqdim etgan soliq hisobotlariga mustaqil ravişda tuzatiş kiritib, qöşimça hisoblangan soliq summasini 2026-yil oxirigaça töliq tölasa, uşbu summaga nisbatan penya hisoblanmaydi.

Iqtisodiy amnistiya doirasida xatolarini mustaqil bartaraf etgan tadbirkorlarning Tadbirkorlik subyektlarining barqarorlik reytingidagi ballari ham pasaytirilmaydi.

Bundan taşqari, 2026-yil 1-yanvarga qadar şakllangan ayrim qarzdorliklar hisobdan çiqariladi. Ular orasida soliq hisobotini öz vaqtida taqdim etmaganlik uçun qöllangan maʼmuriy jarimalarning tölanmagan qismi ham bor.