«O‘zbekiston pochtasi» AJning milliy elektron savdo maydonchasini tashkil etish mo‘ljallanmoqda. Bu haqda 2020-2021 yillarda iqtisodiyotda tarkibiy islohotlarni tiklash va davom ettirish yuzasidan chora-tadbirlarni amalga oshirish bo‘yicha «Yo‘l xaritasi»da aytilgan.
Qayd etilishicha, tahliliy-axborot va chora-tadbirlar rejasi ishlab chiqiladi. Unda internet tarmog‘ida O‘zbekiston mahsulotlari savdosini rivojlantirish nazarda tutiladi.
Bajarish muddati - 2021 yil noyabr, ijro uchun mas'ullar - Axborot texnologiyalari va kommunikatsiyalarini rivojlantirish vazirligi, «O‘zbekiston pochtasi» AJ. Moliyalashtirish manbasi - 1,5 mlrd so‘m (ijrochilar mablag‘lari).
