17:20 / 17.10.2020
5769
«Коронавирус касаллигида небулайзер қўлланилиши тавсия этилмайди» - штаб аъзоси
Фото: Getty Images

Небулайзер - бу суюқ дорини солиш йўли билан дорини жуда майда заррачаларга бўлиб, ўпка тўқимасининг энг чуқурига етказувчи ва яхши натижалар берувчи тиббий мослама. Небулайзер нафас олиш тизими касалликларида, ўпка сурункали касалликларида, респиратор касаллик, муковисцидоз, бронхиал астма касалликларида қўлланилади. 

Коронавирусга қарши курашиш штаби аъзоси Барно Абдусаматова АОКАда ўтказилган брифингда коронавирусдан уйда даволанишда небулайзер орқали дори берса бўладими, деган саволга жавоб қайтарди.

«Сурункали касалликлари бор беморларга касаллик хуружи пайтида уй шароитида ингаляция (дори моддаларини нафас йўлларига киритиш)ни ёки нафас олишга ёрдам берувчи қурилма (небулайзер)дан фойдаланишни тавсия этишимиз мумкин. Лекин коронавирус касаллигида небулайзер қўлланилиши тавсия этилмайди. Чунки бунда дорини майда заррачаларга бўлиб берилиши билан вирус ва дорилар ҳажми бир хил бўлиб қолади. Вирусларни ушбу йўл билан ўпка тўқимасига дори билан бирга яна ҳам чуқурроқ киришига йўл очиб берамиз.

Иккинчидан, уйда даволанаётган даврда вируснинг буғсимон тарқалиш йўли билан атрофга тарқалишини тезлаштиришимиз ва кўпайишига йўл очиб беришимиз мумкин», - деди штаб аъзоси.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top