Shveytsariyada himoya niqobi taqmaganlik uchun 230 yevro jarima belgilandi

Mamlakatda oktyabr o‘rtalaridan jamoat joylarida niqob taqish majburiy etib belgilangandi.

Foto: EPA

Shveytsariyada koronavirus tarqalishiga qarshi kurashishga qaratilgan cheklov choralariga rioya qilmaganlik uchun jarimalar joriy etildi. Bu haqda "Maten" nashri xabar bermoqda.

Qarorga ko‘ra, jamoat joylarida niqob taqmaganlik uchun 250 shveysar franki (230 yevro) jarima belgilandi.

Karantin yoki izolyatsiya rejimida bo‘lgan shaxs ushbu rejimni buzgan taqdirda, 1500 frankkacha (1390 yevro) jarima to‘lashiga to‘g‘ri keladi.

Jarimalar Shveytsariya prokurorlari konferensiyasida belgilandi.

Shveytsariyada oktyabr o‘rtalaridan jamoat joylarida niqob taqish majburiy etib belgilangandi. Ish beruvchilarga o‘z xodimlarini masofadan ishlash rejimiga o‘tkazish tavsiya etilgan.

Pandemiya boshlanganidan buyon mamlakatda koronavirus yuqtirish bilan bog‘liq 350 mingta holat qayd etilgan, 5,4 mingdan ortiq bemor vafot etgan.