Britaniyada bir haftada 138 mingga yaqin kishi koronavirusga qarshi emlandi

Buyuk Britaniyada koronavirusga qarshi vaksinatsiya kampaniyasining dastlabki haftasida 138 mingga yaqin kishi emlandi. Bu haqda vaksinatsiya dasturini nazorat qilish bo‘yicha vazir Nadhim Zahavi ma'lum qildi.

 "Vaksinatsiya dasturi yaxshi boshlandi. Yetti kun o‘tdi va Angliyada 108 ming, Uelsda 7897, Shimoliy Irlandiyada 4000, Shotlandiyada 18 ming kishi emlandi. Jami 137 897 kishi", – deb yozdi Zahavi Twitter sahifasida.

Eslatib o‘tamiz, 8 dekabrda Buyuk Britaniya dunyoda birinchi bo‘lib koronavirusga qarshi ommaviy emlashni boshladi. Britaniya hukumati Pfizer va BioNTech kompaniyalari hamkorlikda ishlab chiqargan vaksinadan foydalanmoqda.

Pandemiya boshlanganidan beri Buyuk Britaniyada 1,8 mln kishida koronavirus aniqlangan, qariyb 65 ming bemor vafot etgan.