Toshkentda ikki yil ichida 66ta mehmonxona va 12ta savdo-ko‘ngilochar markaz quriladi

Toshkent shahrida 2021-2023 yillarda mahalliy va xorijiy tashabbuskorlar tomonidan jami qiymati 9,4 trln so‘m miqdoridagi 90ta loyiha amalga oshirilishi rejalashtirilgan.

Toshkent shahar Turizmni rivojlantirish departamenti xabariga ko‘ra, to‘g‘ridan to‘g‘ri xorijiy investitsiya hajmi 739,5 mln dollarni tashkil etadi.

Qayd etilishicha, loyihalardan 66tasi mehmonxona (3 596ta xona, 7 050ta o‘rin), 12tasi savdo-ko‘ngilochar biznes markazi, 9tasi madaniyat va istirohat bog‘i va 3tasi hunarmandchilik markazlari hisoblanadi. 

Yaratiladigan yangi ish o‘rinlari soni 6 102tani tashkil etadi. Ushbu loyihalar bo‘yicha manzilli ro‘yxat shakllantirilgani va monitoring ishlari olib borilayotgani aytilgan.