14:48 / 04.02.2021
7855
Рустам Саидов бокс бўйича Малайзия терма жамоаси бош мураббийи этиб тайинланди

Олимпиада совриндори бўлган ўзбекистонлик боксчи Малайзия терма жамоасини бошқаради. Бу ҳақда Миллий олимпия қўмитаси томонидан эълон қилинган маълумотда айтилган.

Қайд этилишича, Сидней-2000 Олимпия ўйинлари совриндори, Осиё ўйинларининг икки карра чемпиони Рустам Саидов бокс бўйича Малайзия терма жамоаси бош мураббийи этиб тайинланди. Мураббий Малайзия бокс федерацияси билан расман шартнома имзолагани айтилади.

Рустам Саидов 2011 йилда боксчилик фаолиятини якунлаган ва шундан сўнг мураббийлик фаолиятини бошлаган. Ўз вақтида Ўзбекистон терма жамоаси бош мураббийи сифатида ҳам ишлаган ва қитъада 2015 йилнинг энг яхши бокс мураббийи деб топилган.

Top