14:42 / 15.02.2021
3986
Нукусдаги уй қуламаган, бино деворлари қайта тиклаш учун бузилган – вазирлик

Ўзбекистон Республикаси Қурилиш вазирлиги Қорақалпоғистон Республикаси Қурилиш вазирлиги ва Қорақалпоғистон Республикаси Қурилиш соҳасида ҳудудий назорат инспекцияси мутахассислари билан биргаликда Нукус шаҳридаги уйлардан бири қулаб тушгани ҳақидаги хабар бўйича ўрганиш ишлари олиб борди.

Вазирлик матбуот хизмати Kun.uz’га тақдим этган маълумотларга кўра, кўп қаватли бинонинг лойиҳа ҳужжатлари «Арх энерго проект» МЧЖ томонидан ишлаб чиқилиб, «Нукус Шахзода Афруз» МЧЖ томонидан қурилаётган бўлган. Аниқланишича, ўша ҳолатда Татибаев кўчаси бўйида жойлашган 5 қаватли турар жой биносининг қурилиш даврида Қурилиш соҳасида ҳудудий назорат инспекцияси томонидан аниқланган камчиликларни бартараф этиш мақсадида иморатда олиб борилаётган қурилиш-монтаж ишлари тўхтатилиб, турар жой биносининг деворлари қайта тиклаш учун бузилаётган бўлган.

Аввалроқ маҳаллий нашрларда Нукус шаҳри Татибаев кўчаси бўйида жойлашган кўп қаватли турар жой биносининг 3-4-қаватлари қулаб тушгани ҳақида хабар тарқалганди. 

Top