20:16 / 01.03.2021
5020
Лукашенконинг ўғли президент ёрдамчиси лавозимидан озод қилинди

Виктор Лукашенко 1997 йилдан буён миллий олимпия қўмитасини бошқариб келган отаси Александр Лукашенконинг ўрнини эгаллади.

Фото: DPA

Беларусь президенти Александр Лукашенконинг тўнғич ўғли Виктор президентнинг миллий хавфсизлик бўйича ёрдамчиси лавозимидан бўшатилди. Бу ҳақда БЕЛТА хабар бермоқда.

Хабарда айтилишича, 25 февраль куни президент томонидан тегишли фармон имзоланган.

Виктор Лукашенко 26 февраль куни миллий олимпия қўмитаси раиси лавозимини эгаллади. У қўмитани 1997 йилдан буён бошқариб келган Александр Лукашенко ўрнига тайинланди.

Виктор Лукашенко 2019 йилдан буён миллий олимпия қўмитасининг биринчи вице-президенти эди.

Ушбу тайинлов халқаро олимпия қўмитасининг санкциялари билан боғлиқ бўлиши мумкин. Қўмита 2020 йил декабрда Беларусь президентининг ушбу ташкилот шафеълигида ўтказиладиган барча тадбирларда қатнашишини тақиқлаганди. 

Top