3 mart kuni O‘zbekiston hududiga Erondan iliq va nam havo oqimi kirib keladi 

3 martda kunduz kuni O‘zbekiston hududiga Eron hududlaridan iliq va deyarli nam havo massalari kirib keladi. Bu haqda «O‘zgidromet» xabar bermoqda.

O‘zbekistonning ba'zi joylarida biroz yomg‘ir yog‘adi. Qoraqalpog‘istonda, Xorazm, Buxoro, Navoiy viloyatlarida yog‘ingarchilik kutilmaydi. Shamol 7-12 m/s tezlikda esadi. Havo harorati 10-15 daraja iliq atrofida bo‘lishi saqlanib turadi.

Poytaxtda biroz yomg‘ir yog‘adi. Shamol 7-12 m/s tezlikda esadi. Havo 11-13 daraja iliqqacha ko‘tariladi.

Respublikaning tog‘li hududlarida ba'zi joylarda yog‘ingarchilik (yomg‘ir, qor) bo‘ladi. Tuman tushishi mumkin. Qor ko‘chishi xavfi bor. Shamol g‘arbdan 7-12 m/s tezlikda esadi. Havo harorati 3-8 daraja iliqni tashkil etadi.