YuNESKO O‘zbekistonda o‘qituvchilar malakasini oshirishga 435 ming dollar ajratadi 

Qayd etilishicha, Toshkentda "O‘zbekistonda o‘qituvchilar malakasini oshirish yondashuvlarini moslashtirish va ko‘lamini kengaytirish" ilmiy loyiha boshqaruv qo‘mitasi virtual yig‘ilishi bo‘lib o‘tdi. 

Xalqaro taraqqiyot tadqiqot markazi ko‘magida tashkil etilgan tadbirdan ko‘zlangan asosiy maqsad milliy manfaatdor tomonlar bilan birgalikda o‘qituvchilarning malakasini oshirish modellarini ishlab chiqishdan iborat ekani aytiladi.

YuNESKOning "Gana, Honduras va O‘zbekistonda o‘qituvchilar malakasini oshirish yondashuvlarini moslashtirish va ko‘lamini kengaytirish" loyihasi doirasida Xalqaro taraqqiyot tadqiqot markazi tomonidan Ta'lim sohasidagi bilimlar va innovatsion almashuv bo‘yicha global hamkorlik tashabbusi doirasida O‘zbekistonda o‘qituvchilar malakasini oshirishga 435 ming AQSh dollar ajratilishi ko‘zda tutilgan.

Ikki yillik loyiha (2020-2022) doirasida Qoraqalpog‘iston Respublikasi, Navoiy va Toshkent viloyatlarida 150ta maktab va 600dan ortiq o‘qituvchilarni jalb etgan holda, ular malakasini oshirish modeli ishlab chiqiladi.