Germaniya Rossiya bilan «Sputnik V» vaksinasini yetkazib berish bo‘yicha muzokara olib boradi

Germaniya Rossiya bilan «Sputnik V» vaksinasini yetkazib berish bo‘yicha muzokara olib boradi. Bu haqda GFR sog‘liqni saqlash vaziri Yyens Shpan ma'lum qildi.

Ammo buning uchun dastlab vaksina Yevropa dori vositalari agentligi (EMA) tomonidan ma'qullanishi lozim, deb qo‘shimcha qildi u.

Vaksina Germaniyaga yaqin 2–5 oy ichida yetkazilishi kerak, chunki bu muddatdan so‘ng Germaniya o‘zini yetarlicha miqdordagi vaksina bilan ta'minlay oladi, deb ta'kidladi Shpan. 

Hozirda YeMA Rossiya vaksinasini tekshiruvdan o‘tkazmoqda. Bavariya federal yeri hukumati esa «Sputnik V» YeIda ro‘yxatga olinmasdan turib 2,5 mln doza vaksina sotib olishga ariza berib bo‘lgan.

Germaniyada koronavirus yuqtirganlar soni 2,93 mln kishiga yetgan, ulardan 77,7 ming nafari vafot etgan.