Maktabgacha ta'lim sohasida moliyalashtirilmasdan qolgan 241ta DXSh to‘g‘risidagi bitimga mablag‘ ajratiladi

Bu haqda “Maktabgacha ta'lim sohasida davlat-xususiy sheriklikni rivojlantirishga doir qo‘shimcha chora-tadbirlar to‘g‘risida”gi prezident qarorida ma'lum qilindi.

Qarorga ko‘ra, imzolanib, moliyalashtirilmasdan qolgan 241ta davlat-xususiy sheriklik to‘g‘risidagi bitimlarga kredit mablag‘lari bosqichma-bosqich ajratiladi.

Kreditlar 7 yil muddatga va 2 yillik imtiyozli davr bilan beriladi.

Loyihalarning amaldagi holati, shu jumladan bajarilgan qurilish ishlari hajmi o‘rganib chiqiladi va ularning reytingi shakllantiriladi. Reyting asosida moliyalashtirish manbalarini ko‘rsatgan holda loyihalar ro‘yxati tuziladi hamda Vazirlar Mahkamasi tomonidan tasdiqlanadi.

Shuningdek, qaror bilan prezidentning ayrim qarorlariga o‘zgartirish va qo‘shimchalar kiritildi.

Unga ko‘ra, 2021 yil 1 maydan davlat sherigi boquvchisini yo‘qotgan ayollar farzandlarining ota-onalar badali to‘lovlarini tegishli hududdagi 9 soatlik davlat maktabgacha ta'lim tashkilotlari uchun belgilangan miqdorlarda qoplab beradi.