Camarqand viloyatida elektr energiyasini taqsimlash tarmoqlarini davlat-xususiy sheriklik asosida modernizatsiya qilish va boshqarish uchun Turkiyaning Aksa kompaniyasiga berish yuzasidan prezident qarori qabul qilindi.
Hujjatda keltirilishicha, bu loyihadan koʻzlangan asosiy maqsadlar quyidagicha:
xususiy operatorni jalb etish orqali davlat xarajatlarini kamaytirish va iqtisodiyotda davlat ishtirokini qisqartirish;
isteʼmolchilarni uzluksiz elektr energiyasi bilan taʼminlash va xizmat sifatini oshirish;
Samarqand viloyati elektr energiyasini taqsimlash tarmoqlarida yillik energiya yoʻqotishlarini kamaytirish: texnik audit natijalariga koʻra aniqlangan yoʻqotish 20–25 foiz oraligʻida boʻlganda, loyihani amalga oshirish davrida uni har yili 1,4 foizga, 15–20 foiz oraligʻida boʻlganda esa har yili 0,6 foizga pasaytirish.
Oʻtkazilgan xalqaro tender natijalariga koʻra, “Samarqand viloyatida elektr energiyasini taqsimlash tarmoqlarini davlat-xususiy sheriklik asosida modernizatsiya qilish va boshqarish” loyihasini moliyalashtirish, qurish, boshqarish, unga texnik xizmat koʻrsatish va undan foydalanish boʻyicha “AKSA Elektrik Perakende Satış A.Ş.” (Turkiya) kompaniyasi tender gʻolibi deb topilgan.
Tender gʻolibi Oʻzbekistonda “AKSA Samarqand Electricity Distribution” MCHJ (xususiy sherik)ni taʼsis etgan.
Investitsiya kiritish majburiyatlari
Iqtisodiyot va moliya vazirligi hamda tender gʻolibi nomidan xususiy sherik oʻrtasida 2026-yil 29-yanvarda davlat tomonidan qoʻllab-quvvatlash toʻgʻrisidagi bitim imzolangan. Unga muvofiq, tender gʻolibi va xususiy sherik Samarqand viloyatida loyiha muddatining dastlabki 12 yili davomida 357 million AQSH dollari miqdorida toʻgʻridan toʻgʻri investitsiya jalb etish majburiyatini olgan.
2026-yil 29-yanvarda “Hududiy elektr tarmoqlari” AJ (davlat sherigi) va xususiy sherik oʻrtasida davlat-xususiy sheriklik toʻgʻrisidagi bitim ham imzolangan. Unga koʻra, xususiy sherik:
