12:00 / 14.04.2021
1495
Euroasia Insurance суғурта компанияси «барқарор» истиқбол билан «B2» рейтингини олди

Moody’s Investors Service халқаро рейтинг агентлиги илк бор Euroasia Insurance суғурта компаниясига миллий ва хорижий валютада «B2» даражасидаги суғурта молиявий барқарорлик рейтингини (insurance financial strength rating (IFSR)) берди.

Euroasia Insurance – Ўзбекистоннинг унча катта бўлмаган, аммо тез ўсиб бораётган суғурта бозоридаги бешинчи йирик компания. Ушбу компания томонидан мулк, транспорт, кредит хатарларини суғурталаш ҳамда бошқа тижорат ва чакана суғурта маҳсулотлари амалга оширилади.

Таъкидлаш жоизки, Euroasia Insurance суғурта компанияси Ўзбекистондаги «барқарор» прогнози билан «B2» рейтинги берилган биринчи хусусий суғурта компанияси ҳисобланади.

«B2» рейтинги «барқарор» прогнози компаниянинг бозордаги кучли позициясини ва брендини акс эттиради. Moody’s агентлиги, Euroasia Insurance компаниясининг яхши рентабелликни сақлаб қолишини ва компаниянинг капиталлашуви босқичма-босқич яхшиланишини, активларнинг сифати эса умуман барқарор бўлиб қолишини кутмоқда. Шунингдек, Euroasia Insurance компаниясига ушбу рейтингни беришда экологик, ижтимоий ва бошқарув жиҳатлари (ESG) билан боғлиқ хатарларни таҳлил қилиш доирасидаги корпоратив бошқарув сифати ҳам ҳисобга олинган.

Реклама ҳуқуқи асосида

Top