Xo‘jaylida haydovchiga qo‘l ko‘taradigan YPX xodimi bo‘yicha ma'lumot berildi

Ijtimoiy tarmoqda «Qoraqalpog‘istonda haydovchiga qo‘l ko‘taradigan YPX xodimi» sarlavhasi ostida videolavha tarqaldi. IIV YHXB mazkur holat yuzasidan ma'lumot berdi.

Qayd etilishicha, 18 may kuni soat 11:15 larda Xo‘jayli tumani, Nukus guzari ko‘chasida xizmat olib borayotgan IIV YHXB YPX inspektori A.Yeshmurzayev tomonidan haydovchi T.B. boshqaruvida bo‘lgan «Isuzu» piyodaga yo‘l bermaganligi uchun to‘xtatilgan. Unga qoidabuzarlik bo‘yicha tushuntirish berilgan.

Shundan so‘ng haydovchi qoidabuzarlikni tan olmay qo‘l telefoniga tasvirga olishni boshlagan vaqtda, haydovchining otasiman deb tanishtirgan fuqaro inspektorga avtomobilning hujjatlarini olib berib qog‘oz bayonnomaga rasmiylashtirishni so‘ragan. 

Bayonnoma rasmiylashtirilganidan so‘ng haydovchi imzo qo‘yishdan bosh tortgan va YPX inspektori bilan haydovchi o‘rtasida nizoli vaziyat kelib chiqqan.