00:33 / 30.06.2021
3837
Бали яқинида бортида 56 киши бўлган кема чўкиб кетди
Фото: YouTube/Baaca ID

Индонезиянинг Бали ороли яқинида бортида 56 киши бўлган кема чўкиб кетди. Бунинг оқибатида 6 киши ҳалок бўлди.

Antara ахборот агентлигининг хабар беришича, ҳалок бўлганлар жасадлари экспертиза ўтказиш учун давлат шифохонасига жўнатилган.

Маҳаллий полиция бошлиғининг таъкидлашича, кемада 41 йўловчи ва экипажнинг 15 аъзоси бўлган. Бахтсиз ҳодиса маҳаллий вақт билан соат 19:06да Бали бўғозида юз берган.

Индонезия транспорт департаменти маълумотларига кўра, воқеа жойидан 44 киши эвакуация қилинган.

Jasa Raharja суғурта компанияси жабрланувчиларга компенсация тўлашини маълум қилган. Индонезия қонунларига кўра, ҳалокат қурбонлари меросхўрлари 50 млн (3,5 минг доллар), жабрланувчилар эса 20 млн Индонезия рупийси олишлари керак.

Top