YeI hokimiyat kuch bilan egallangan taqdirda "Tolibon" hukumatini tan olmasligini bildirdi

“Tolibon” Afg‘onistonda hokimiyatni harbiy yo‘l bilan egallagan taqdirda Yevroittifoq yangi hukumatni tan olmaydi. Bu haqda YeIning mintaqa bo‘yicha maxsus vakili Tomas Niklasson ma'lum qildi.

"Agar "Tolibon" hokimiyatni harbiy yo‘l bilan egallaydigan bo‘lsa, u na YeI, na mintaqadagi ko‘plab davlatlar tomonidan tan olinadi", - dedi u.

Niklassonning so‘zlariga ko‘ra, voqealar ana shunday tarzda rivojlanadigan bo‘lsa, Yevroittifoq Afg‘onistonga yordam berishni to‘xtatadi.

U shuningdek, hozirda yuzaga kelgan vaziyatdan xavotir bildirdi.

Toliblar vakillarining ta'kidlashlaricha, harakat mamlakat hududining 85 foizi ustidan nazorat o‘rnatgan.