Belarus prezidenti Aleksandr Lukashenko «Belarus 1» telekanali efirida qachon Qrim va Sevastopolni Rossiyaga tegishli deb tan olishini aytdi.
U bu masalada ko‘p marta savol bergan jurnalist Vladimir Solovevni eslab o‘tdi.
«Unga omma oldida aytaman: qachonki Rossiyadagi eng oxirgi oligarx Qrimni tan olsa va u yerga o‘z mahsulotini yetkazib berishni boshlasa, men ham tan olaman», – dedi Lukashenko.
2014 yil martida Qrimda referendum o‘tkazilib, uning natijalariga ko‘ra yarimorol Rossiyaning hududiy qismiga, Sevastopol esa federal ahamiyatdagi shahriga aylangan. Bu referendum natijalarini Ukraina va xalqaro jamoatchilik tan olmaydi.
