Urganchda 30 ming dollarga yer maydoni olib berishni va'da qilgan firibgar ushlandi

Bosh prokuratura huzuridagi Departamentning Urganch shahar bo‘limi hamda DXX Xorazm viloyat boshqarmasi tomonidan o‘tkazilgan tezkor tadbirda firibgarlik jinoyati bilan bog‘liq holat fosh etildi.

Jumladan, fuqaro D.Yu. boshqa fuqaroga tadbirkorlik faoliyati bilan shug‘ullanish uchun Urganch shahar hududida tanishining nomida bo‘lgan 2 sotix yer maydonini 30 ming AQSh dollari evaziga tanishlari orqali rasmiylashtirib, olib berishini va'da qilib, oldindan 20 ming AQSh dollarini olgan vaqtida ashyoviy dalillar bilan ushlangan.

Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.