Maktabgacha ta'lim yoshidagi bolalar va 1-sinf o‘quvchilari grippga qarshi bepul emlanadi

Qayd etilishicha, respublika hududida gripp yuqtirish va uning og‘ir asoratlari oldini olish maqsadida 2 million doza vaksina keltirilgan.

Vazirlik xabariga ko‘ra, barcha maktabgacha ta'lim yoshidagi bolalar va 1-sinf o‘quvchilarini grippga qarshi bepul markazlashgan holda emlash rejalashtirilgan. 

Buning uchun respublika miqyosida 2753 ta emlash punktlari tashkil etilgani aytilgan.

Avvalroq, bolalar kovidga qarshi emlanishi majburiy emasligi, ammo ba'zi maktablarda bu boshqacha talqin qilinayotgani xabar berilgandi.