07:34 / 05.11.2021
3825

Nigerda jangarilar hujumi oqibatida 60ga yaqin odam halok bo‘ldi

Niger g‘arbida terrorchi guruh jangarilari 60ga yaqin odamni o‘ldirdi. Bu haqda hujum sodir etilgan Tillaberi okrugi deputatiga tayanib France-Presse axborot agentligi xabar berdi.

Foto: nationworldnew

“Hujum vaqtida 60ga yaqin odam o‘ldirilgan, ular orasida Banibangu kommunasi meri ham bor. Yana 9 kishi bedarak yo‘qolgan”, deb ma'lum qilgan deputat. Ta'kidlanishicha, hujum 2 noyabrda sodir etilgan.

Tillaberi okrugi Niger, Mali va Burkina-Faso davlatlari chegaralari tutashgan strategik hududda joylashgan. Afrikaning bu qismida “G‘arbiy Afrikada Islom davlati” terrorchi guruhi otryadlari harakat qiladi. 2017 yildan beri Tillaberida favqulodda holat rejimi amal qiladi.

Mavzuga oid
Top